Navoiy viloyatida IIV JXD YHXX rahbarining sayyor qabuli bo‘lib o‘tdi
Bugun Navoiy shahridagi Yoshlar markazi binosida O‘zbekiston Respublikasi Ichki ishlar vazirligi Jamoat xavfsizligi departamenti Yo‘l harakati xavfsizligi xizmati rahbarining sayyor qabuli tashkil etildi.
Mazkur sayyor qabuldan ko‘zlangan asosiy maqsad fuqarolarni qiynayotgan muammolarni o‘rganish, ularga yechim topish hamda aholi bilan ochiq muloqot o‘rnatishdan iborat bo‘ldi.
Qabul davomida viloyatning turli shahar va tumanlaridan tashrif buyurgan fuqarolar bir qancha masalalar yuzasidan o‘z murojaatlarini bildirdilar.
Shuningdek, fuqarolar tomonidan bildirilgan taklif va mulohazalar atroflicha tinglanib, har bir murojaat yuzasidan mas’ullarga tegishli topshiriqlar berildi.
Murojaatlarning aksariyati joyida hal etilgan bo‘lsa, qo‘shimcha o‘rganish talab etiladigan ayrim murojaatlar nazoratga olinib, ularni hal etish uchun aniq muddatlar belgilab berildi.
Tadbir davomida yo‘l harakati xavfsizligini ta’minlash, yo‘l-transport hodisalarining oldini olish, aholi uchun qulay va xavfsiz harakat muhitini yaratish borasida amalga oshirilayotgan ishlar haqida ham ma’lumotlar berildi.